ថ្ងៃទី២២ ខែមេសា ឆ្នាំ២០២១
អង្គភាពសារព័ត៌មាន គេហទំព័រ B M C post ផ្សាយជាប្រចាំ ជីវិត និងសង្គម ! អង្គភាពសារព័ត៌មានយើងខ្ញុំ សូមថ្លែងអំណរអរគុណ ដ៏ជ្រាលជ្រៅបំផុត ជូនចំពោះសប្បុរសជន ជិត ឆ្ងាយ ក្នុង និងក្រៅប្រទេស ដែលលោក-អ្នកមានចិត្តសប្បុរស ជួយជាអំណោយសម្ភារៈ ជាថវិកា ដល់ក្រុមការងារអង្គភាពយើងខ្ញុំ អោយបានដំណើរការ សកម្មភាព ក្នុងន័យមនុស្សធម៌ ជួយដល់ជនទីទល់ក្រ លំបាក ! ដូច្នេះហើយ សូមលោក-អ្នក សមប្រកបនឹងពុទ្ធពរបួនប្រការ គឺ អាយុ វណ្ណៈ សុខៈ និងពលៈកុំបីឃ្លៀងឃ្លាតឡើយ ។ សូមអរគុណ និងអរព្រះគុណ !!!
ក្រសួងបរិស្ថាន និងក្រសួងសុខាភិបាលបណ្តុះបណ្តាលដល់មន្រ្តីឧទ្យានុរក្ស លើការប្រយុទ្ធនឹងជម្ងឺគ្រុនចាញ់ !
Fr,24 Juli 2020 (Time 06:07 )
ដោយ ៖ BMC អ្នកស្រី ប៉ុក ស្រី (ចំនួនអ្នកអាន: 365នាក់)


ភ្នំពេញ ៖
ក្រសួងបរិស្ថាននិងក្រសួងសុខាភិបាល សហការគ្នារៀបចំវគ្គបណ្តុះបណ្តាលដល់ជនបង្គោលជាមន្រ្តីឧទ្យានុរក្ស ពីការប្រយុទ្ធនឹងជម្ងឺគ្រុនចាញ់ នាព្រឹកថ្ងៃទី២៤ ខែកក្កដា ឆ្នាំ២០២០ នៅមជ្ឍមណ្ឌលជាតិប្រយុទ្ធនឹងជម្ងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត ដោយមានការចូលរួមពីមន្រ្តីឧទ្យានុរក្សមកពីខេត្តព្រះសីហនុ កំពង់ស្ពឺ និងកោះកុង ។

លោកអ៊ុក ណាវ៉ាន់ អគ្គនាយករង នៃក្រសួងបរិស្ថាន បានឱ្យដឹងថា វគ្គបណ្តុះបណ្តាលនេះពិតជាមានសារៈសំខាន់ណាស់សម្រាប់ជនបង្គោលជាមន្រ្តីឧទ្យានុរក្សរបស់ក្រសួងបរិស្ថាន ព្រោះថាពួកគាត់គឺជាអ្នកប្រឈមខ្លាំងនៅក្នុងការកើតនូវជម្ងឺគ្រុនចាញ់ ។ដោយសារតែមន្រ្តីឧទ្យានុរក្សគឺជាអ្នកការពារនិងអភិរក្សធនធានធម្មជាតិ និងទប់ស្កាត់បទល្មើសខុសច្បាប់ផ្សេងៗ ដែលកើតមានឡើងនៅតំបន់ការពារធនធានធម្មជាតិ ។
ពិសេសនៅតំបន់ភ្នំនិងក្នុងព្រៃជាដើម ដូច្នេះការយល់ដឹងពីបញ្ហាជម្ងឺគ្រុនចាញ់កត្តាសំខាន់បំផុត ។

ក្នុងឱកាសនោះ លោកវេជ្ជបណ្ឌិត ហ៊ុយ រ៉េកុល ប្រធានមជ្ឍមណ្ឌលជាតិប្រយុទ្ធនឹងជម្ងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត បានបង្ហាញថា វគ្គបណ្តុះបណ្តាលនាពេលនេះ គឺក្នុងគោលបំណងឱ្យមន្រ្តីឧទ្យានុរក្សក្លាយខ្លួនទៅជាជនបង្គោល ដើម្បីផ្តល់សេវាចែកជូនសម្ភារៈ (មុង ថ្នាំលាប) និងធ្វើតេស្ត (ព្យាបាល) ឬអប់រំប្រជាជននិងមន្រ្តីឧទ្យានុរក្ស ដែលរស់នៅនិងប្រតិបត្តិការងារនៅក្នុងតំបន់ការពារធម្មជាតិ និងយល់ដឹងវិធីបង្ការ និងលុបបំបាត់ជម្ងឺគ្រុបចាញ់ទាំងស្រុងចេញពីកម្ពុជានៅឆ្នាំ២០២៥ ស្របតាមផែនការយុទ្ធសាស្រ្តជាតិលុបបំបាត់ជម្ងឺគ្រុបចាញ់ ឆ្នាំ២០២១-២០២៥ របស់ក្រសួងសុខាភិបាល ។

លោកវេជ្ជបណ្ឌិតបញ្ជាក់ថា ចាប់តាំងពីឆ្នាំ២០១៨មក មិនមានអត្រានៃការស្លាប់ដោយសារជម្ងឺគ្រុនចាញ់នោះទេ ។ នេះបានបង្ហាញឱ្យឃើញថា កម្ពុជាកំពុងបោះជំហានឆ្ពោះទៅរកការលុបបំបាត់ជម្ងឺគ្រុនចាញ់ ឱ្យបានទាំងស្រុងនៅឆ្នាំ២០២៥ខាងមុខ។

សូមបញ្ជាក់ថាជំងឺគ្រុនចាញ់ គឺជាជម្ងឺដែលឆ្លងពីប្រភពមូសដែកគោលខាំ ហើយនៅប្រទេសកម្ពុជា ជំងឺគ្រុនចាញ់តែងកើតឡើងនៅរដូវវស្សា ហើយភាគច្រើនកើនឡើងនៅតំបន់ដែលមានព្រៃច្រើន សំបូរមូសដែកគោល ដូចជាខេត្តរតនៈគិរី មណ្ឌលគិរី កំពង់ចាម ព្រះវិហារ ប៉ៃលិននិងពោធិ៍សាត់ជាដើម៕

ព័ត៌មានគួរចាប់អារម្មណ៍

អភិបាលខេត្តកំពង់ចាម បើកកិច្ចប្រជុំបន្ទាន់ ពាក់ព័ន្ធករណីកម្មករ កម្មការីនី ប៉ះពាល់​នឹងអ្នក​ជំងឺកូវី​ដ-១៩ រស់នៅស្រុក​ពារាំង (BMC)

ព័ត៌មានគួរចាប់អារម្មណ៍

ជនជាតិវៀតណាម​ចំនួន​០៧នាក់(ស្រី០៥នាក់) ត្រូវបានឃាត់ខ្លួនបញ្ជូនទៅធ្វើចត្តាឡីស័ក ដោយ​ឡែកជ​នជាតិខ្មែរជាអ្នកផ្តល់ម​ធ្យោបាយនាំផ្លូវ ត្រូវបាន​កសាងសំណុំ​រឿងបញ្ជូនទៅតុលាការ ដើម្បីចា​ត់ការបន្ត (BMC)

ព័ត៌មានគួរចាប់អារម្មណ៍

ឯកឧត្តម គង់ សោភ័ណ្ឌ បញ្ជាដល់ក​ងកម្លាំងទាំងបី អាជ្ញាធរក្រុងតាខ្មៅ ត្រូវបន្តអ​នុវត្តដាច់​ខាតនូវ​សេ​ចក្ដីស​ម្រេច​របស់រាជរដ្ឋាភិបាល ដើម្បីទប់ស្កាត់ការឆ្លងរាល​ដាលនៃជំងឺកូវីដ-១៩ (BMC)

ព័ត៌មានគួរចាប់អារម្មណ៍

អាជ្ញាធរ​ក្រុងប៉ោយ​ប៉ែត បន្តចុះ​ណែនាំ​ដល់​អាជីវករ​លក់ដូរនៅតាមផ្សារ ក្នុង​ភូមិ​សាស្ត្រ​ក្រុងប៉ោយប៉ែត​ឲ្យអនុវត្ត​តាមវិធាន​កា​ររបស់ប្រមុខរាជរដ្ឋាភិបាល (BMC)

ព័ត៌មានគួរចាប់អារម្មណ៍

អភិបាលខេត្តបន្ទាយមានជ័យ ចុះណែនាំដល់ប្រ​ជាពលរដ្ឋ និង​អាជីវករលក់ដូរនៅ​ក្នុងផ្សារ​មង្គលបូរី ​ឲ្យ​អនុវត្តតាមវិធាការ​របស់ក្រសួងសុខា​ភិបាល និង​ប្រមុខរាជរដ្ឋាភិបាលកម្ពុជា ​ឲ្យបានខ្ជាប់ខ្ជួន (BMC)

វីដែអូ

ចំនួនអ្នកទស្សនា

ថ្ងៃនេះ :
2843 នាក់
ម្សិលមិញ :
3029 នាក់
សប្តាហ៍នេះ :
26340 នាក់
ខែនេះ :
106870 នាក់
3 ខែនេះ :
300825 នាក់
សរុប :
1171564 នាក់