ថ្ងៃទី១១ ខែឧសភា ឆ្នាំ២០២១
អង្គភាពសារព័ត៌មាន គេហទំព័រ B M C post ផ្សាយជាប្រចាំ ជីវិត និងសង្គម ! អង្គភាពសារព័ត៌មានយើងខ្ញុំ សូមថ្លែងអំណរអរគុណ ដ៏ជ្រាលជ្រៅបំផុត ជូនចំពោះសប្បុរសជន ជិត ឆ្ងាយ ក្នុង និងក្រៅប្រទេស ដែលលោក-អ្នកមានចិត្តសប្បុរស ជួយជាអំណោយសម្ភារៈ ជាថវិកា ដល់ក្រុមការងារអង្គភាពយើងខ្ញុំ អោយបានដំណើរការ សកម្មភាព ក្នុងន័យមនុស្សធម៌ ជួយដល់ជនទីទល់ក្រ លំបាក ! ដូច្នេះហើយ សូមលោក-អ្នក សមប្រកបនឹងពុទ្ធពរបួនប្រការ គឺ អាយុ វណ្ណៈ សុខៈ និងពលៈកុំបីឃ្លៀងឃ្លាតឡើយ ។ សូមអរគុណ និងអរព្រះគុណ !!!
អភិបាលខេត្តកំពង់ចាម នាំយកអំណោយមនុស្សធម៌ ផ្តល់ជូនគ្រួសា​រគ្រូបង្រៀន០២នាក់ ដែលរង​គ្រោះ​ដោយសារអគ្គីភ័យឆាបឆេះផ្ទះ នៅ​សង្កាត់បឹងកុក
Thu,29 April 2021 (Time 05:24 PM)
ដោយ ៖ BMC (ចំនួនអ្នកអាន: 17នាក់)


ខេត្តកំពង់ចាម៖គ្រួសា​រគ្រូបង្រៀន​០២នាក់(ម្នាក់ចូល​និវត្តន៍) រស់នៅភូមិចុងថ្នល់ សង្កាត់បឹងកុក ក្រុង​កំព​ង់ចាម ត្រូវអគ្គីភ័យ​ឆាបឆេះផ្ទះកាលពីវេលា​ម៉ោង៣រសៀល ថ្ងៃទី២៨ ខែមេសា ឆ្នាំ២០២១ ដោយ​សា​រតែឆ្លងចរន្តអគ្គិសនី ដែលផ្តើមឆេះពីផ្ទះគ្រូបង្រៀន១ខ្នងទំហំ ៨ម៉ែត្រ គុណ១២ម៉ែត្រ ដែលពុំ​មានអ្នក​ស្នាក់នៅ រួចក៏ឆេះរាលមក​ផ្ទះគ្រូបង្រៀនចូលនិវត្តន៍ ១ខ្នងទៀត ទំហំ ៩ម៉ែត្រ គុណ១៦ ម៉ែត្រ ស្ថិតនៅ​ជាប់គ្នានោះ បានការ​​យកចិត្តដាក់ពីឯកឧត្តម អ៊ុន ចាន់ដា អភិបាលនៃគណៈអ​ភិ​បាលខេត្តកំពង់ចាម និង​​ជាប្រធានគណៈកម្មាធិការសា​ខាកាក​បាទក្រហមកម្ពុជាខេត្ត ក្នុងនោះក៏​មាន​ការ​ចូលរួម​ពីអាជ្ញាធ​រមូលដ្ឋាន និងដោយ​មានការ​និមន្តចូល​រួមពីព្រះមន្ត្រី​សង្ឃ នៃសាលាគណ​ខេត្តដឹកនាំ​ដោយព្រះ​សី​លសំ​វរ ប៊ត តាំងឆេង ព្រះនាគមុនីមេគណ​ខេត្តកំពង់ចាម នៅព្រឹកថ្ងៃទី២៩ ខែមេសា ឆ្នាំ២០២១ បាន​និមន្ត និងអញ្ជើញចុះ​សួរសុខទុក្ខ និងនាំយកអំណោ​យមនុស្សធម៌​ផ្តល់ជូន ដើម្បី​កាត់​បន្ថយ​ការ​ខ្វះខាតមួយ​គ្រា។

ជាមួយគ្នានោះដែរឯកឧត្តម អ៊ុន ចាន់ដា អភិបាលខេត្ត បានចូលរួមសម្តែង​ការសោកស្តាយ​ជាពន់​ពេក ជាមួយក្រុមគ្រួសា​ររងគ្រោះ ចំពោះឧប្បត្តិហេ​តុ មិននឹកស្មានដល់នេះ ដែលបាន​បំផ្លាញលំ​នៅដ្ឋាន និងទ្រព្យសម្បត្តិអស់គ្មាន​សល់ និងបានពាំនាំនូ​វប្រសាសន៍ផ្តាំ ផ្ញើសួរសុខទុក្ខ ដោយក្តីអា​ណិតអា​សូរបំផុត ពីសំណាក់ ឯកឧត្តម ​ហ៊ុន ណេង ប្រធានកិត្តិ​យសសាខា ពិសេស សម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធានកាកបាទ​ក្រហមកម្ពុជា ដែលជានិច្ចជាកាល សម្តេចតែងតែគិតគូរ បារម្ភ អំពីសុខទុក្ខរប​ស់បង ប្អូន​ប្រជាពលរដ្ឋនៅគ្រប់ទីកន្លែង រួមទាំ​ងជនរងគ្រោះ ជនងាយរងគ្រោះ ដោយមិ​នប្រកាន់វណ្ណៈ ជាតិសា​សន៍ ឬនិន្នាការនយោបាយអ្វីឡើយ ហើ​យតែងបា​នចាត់តំណាង នាំយកជំនួយសង្រ្គោះ​បន្ទាន់ ជួយសម្រាលទុក្ខលំ​បាក ជូនជនរងគ្រោះ ទាន់ពេលវេលា តាម​ទិស​ស្លោក «កាកបាទក្រហមកម្ពុជា មា​នគ្រប់ទីកន្លែង ​សម្រាប់គ្រប់ៗគ្នា ដោ​យមិនទុកនរណាម្នាក់ចោល » ។
ជាងនេះទៅទៀត​ឯកឧត្តម អភិបាលខេត្ត បានក្រើនរំលឹក បងប្អូនប្រជាព​លរដ្ឋទាំងអស់ ពិសេស ទារក កុមារ ស្ត្រីមានផ្ទៃពោះ និងមនុស្សវ័យចាស់ ដែលមានហានិភ័យខ្ពស់ សូមលើក​កំពស់​ការ​ថែទាំសុខភាព ឱ្យបានល្អ រស់នៅត្រូវ​ប្រកាន់ខ្ជាប់អនាម័យស្អាត ៣យ៉ាង ជាពិសេស ត្រូវយ​កចិត្តទុក​ដាក់ អំពីសុវត្ថិភាពផ្ទាល់ខ្លួនជា​ប្រចាំ ដោយត្រូវអនុវត្តឱ្យបា​នខ្ជាប់ខ្ជួន តាមវិធានការណែនាំ របស់រាជ​រដ្ឋាភិបាលកម្ពុជា គឺ«៣កុំ ៣ការពារ » ដើម្បីជៀស​អោយផុតពីការឆ្លងរាលដាល នៃជម្ងឺកូវីដ ១៩ បម្លែងថ្មី ដ៏កាចសាហាវ នេះ។

អំណោយមនុស្សធម៌ ដែលផ្តល់​ជូនទាំង២គ្រួសារ ក្នុង១គ្រួសារទទួលបាន៖ អង្ករ ៥០គក្រ, មីជាតិ ១កេស, ត្រីខ ១យួរ , ទឹកត្រី ១យួរ ,ទឹកស៊ីអ៊ីវ ១យួរ, ឃីត(មុង ភួយ សារុង ក្រម៉ា ) ១កញ្ចប់, តង់ ១, អាវយឺត ៨, សម្ភារ ផ្ទះបាយ ១សម្រាប់ ព្រមទាំងថវិកា ចំនួន ១,០០០,០០០ រៀល។ ជាមួយនេះ អនុសាខាក្រុង ក៏បានផ្តល់ជូន ក្នុង ១គ្រួសារ នូវ ថវិកា ចំនួន ២០០,០០០រៀល។ដោយ​ឡែក ព្រះសីលសំវរ ព្រះមេគណខេត្ត និង សាលាគណខេត្ត ក៏បានផ្តល់ទានបន្ថែម ដល់គ្រួសា​ររងគ្រោះ​ទាំង២គ្រួសារ មាន អង្ករ ៧៥០គក្រ, មី ៣កេស, ទឹកត្រី ៣យួរ, ទឹកស៊ីអ៊ីវ ៣យួរ , ទឹកសុទ្ធ ២កេស ,សម្ភារផ្ទះបាយ ៦សម្រាប់ និងបច្ច័យចំនួន ៨១០,០០០រៀលផងដែរ៕

ព័ត៌មានគួរចាប់អារម្មណ៍

រដ្ឋបាលខេត្តប៉ៃលិន​ រៀបចំប៉ុស្តិ៍ត្រួតពិនិត្យសុខភាព នៅតាមព្រំប្រទល់ ដើម្បីបន្តរឹតបន្តឹង យន្តការ​ទប់​ស្កាត់ការរីករា​លដាលវីរុសកូវីដ~១៩ កុំ​ឲ្យចូលក្នុងសហគមន៍ប៉ៃលិ​ន (BMC)

ព័ត៌មានគួរចាប់អារម្មណ៍

ពិត​ជា​សង្វែក​ខ្លាំង​ណាស់ ក្មេង​ប្រុសវ័​យ​ជំទង់​ម្នាក់ ​ទៅ​លេង​ទឹក​ស្រាប់​តែជម្ងឺស្កន់រើឡើង បណ្តាល​ឲ្យប្រកាប់​ស្លាប់នៅក្នុងទឹក (BMC)

ព័ត៌មានគួរចាប់អារម្មណ៍

លោកឧត្តម​សេនីយ៍ទោ ស្នងការ​នគរបា​លខេត្តបន្ទា​យមានជ័យ ទទួល​អំណោយពី​សប្បុរសជន សម្រា​ប់​ផ្គត់ផ្គង់​ដល់​កងកម្លាំង ដែលឈរជើង​តាមគោ​លដៅ ក្នុង​ប្រយុទ្ធនាការ​ប្រឆាំង​ការ​រាត​ត្បាត​ជម្ងឺកូវីដ-១៩ (BMC)

ព័ត៌មានគួរចាប់អារម្មណ៍

នាយឧត្តមសេនីយ៍ អ៊ី ឈាន អញ្ជើញ​ចុះជួបសំ​ណេះសំ​ណាល និងសួរសុ​ខទុក្ខអា​ជីវករ នៅតាមផ្សា​រប៉ៃលិន (BMC)

ព័ត៌មានគួរចាប់អារម្មណ៍

លោកជំទាវ បានស្រីមុំ ខេត្តប៉ៃលិន ចុះពិនិត្យការបាញ់ថ្នាំ​សម្លាប់មេរោគកូវិដ១៩ នៅតាមផ្សារ​នា​នាទូ​ទាំង​ខេត្ត (BMC)

វីដែអូ

ចំនួនអ្នកទស្សនា

ថ្ងៃនេះ :
2509 នាក់
ម្សិលមិញ :
5610 នាក់
សប្តាហ៍នេះ :
27523 នាក់
ខែនេះ :
121792 នាក់
3 ខែនេះ :
306750 នាក់
សរុប :
1251914 នាក់