លោកវរសេនីយ៍ទោ ព្រហ្ម ពិសិដ្ឋ អធិការ នៃអធិការដ្ឋាននគរបាលក្រុងប៉ោយប៉ែតបានដឹកនាំកម្លាំងចុះផ្សព្វផ្សាយ សារាចរណ៍ណែនាំ ស្តីពី ការបញ្ឈប់សកម្មភាពផ្សព្វផ្សាយល្បែងស៊ីសងខុសច្បាប់...

 

ក្រុងប៉ោយប៉ែត : នៅព្រឹកថ្ងៃសៅរ៍ ៧កើត  ខែមិគសិរ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី៧ ខែធ្នូ ឆ្នាំ២០២៤នេះ លោកវរសេនីយ៍ទោ ព្រហ្ម ពិសិដ្ឋ អធិការ នៃអធិការដ្ឋាននគរបាលក្រុងប៉ោយប៉ែតបានដឹកនាំ លោក-លោកស្រី អធិការរង តាមផែនជំនាញ និងលោកនាយប៉ុស្តិ៍នគរបាលរដ្ឋបាលទាំង០៥សង្កាត់ ចុះផ្សព្វផ្សាយ សារាចរណ៍ណែនាំ ស្តីពី ការបញ្ឈប់សកម្មភាពផ្សព្វផ្សាយល្បែងស៊ីសងខុសច្បាប់ ស្ថិតនៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។

ក្នុងនោះបានផ្សព្វផ្សាយ ដល់អ្នកបើករថយន្ត និងអ្នកបើកម៉ូតូកង់បីឥណ្ឌា(ផាស់អាប់) ដែលបានបិតស្លាកសញ្ញាផ្សព្វផ្សាយល្បែងស៊ីសង និងណែនាំឱ្យបកចេញបានចំនួន :

- អប់រំណែនាំអ្នកបើកបរម៉ូតូកង់បីឥណ្ឌា(ផាស់អាប់) បានចំនួន ៥៤គ្រឿង

- អប់រំណែនាំអ្នកបើកបររថយន្ត បានចំនួន ០៥គ្រឿង

- បានបកស្លាកផ្សព្វផ្សាយល្បែងស៊ីសងដែលបិតតាមទីសារធារណ:ផងដែរ ។