កូរ៉េខាងត្បូងជួបគ្រោះភ្លើងឆេះព្រៃដ៏ធំមិនធ្លាប់មានសម្លា.ប់មនុស្សច្រើននាក់ និងបន្តរាលដាលដល់ផ្ទៃដីចំនួន៤៣.៣០០ហិចតា...

កូរ៉េខាងត្បូង :  ភ្លើងឆេះព្រៃយ៉ាងសន្ធោរសន្ធៅដោយសារខ្យល់បក់បោកខ្លាំងនៅកូរ៉េខាងត្បូង បានបណ្តាលឱ្យមនុស្សស្លាប់ ១៨ នាក់ និងបំផ្លាញតំបន់ភាគខាងត្បូងយ៉ាងដំណំ។ ហេដ្ឋារចនាសម្ព័ន្ធជាង ២០០ កន្លែងត្រូវបានបំផ្លាញ និងមនុស្សជាង ២៧,០០០ នាក់ត្រូវជម្លៀសចេញ។ ភ្លើងបានឆាបឆេះដល់ផ្ទះ រោងចក្រ យានជំនិះ និងប្រាសាទបុរាណអាយុកាល ១៣០០ ឆ្នាំ លើផ្ទៃដី ៤៣,៣០០ ហិចតា និងបណ្តាលឱ្យមនុស្ស ១៩ នាក់រងរបួស។ 

ប្រធានាធិបតីស្តីទីកូរ៉េខាងត្បូង លោក Han Duck-soo បានបញ្ជាក់ថា ភ្លើងឆេះព្រៃនេះធ្ងន់ធ្ងរជាងភ្លើងឆេះព្រៃជាច្រើនលើកកន្លងមក។ ក្រុមសង្គ្រោះជាង ៤,៦៥០ នាក់ រួមទាំងអ្នកពន្លត់អគ្គីភ័យ ទាហាន និងឧទ្ធម្ភាគចក្រប្រហែល ១៣០ គ្រឿង កំពុងខិតខំប្រឹងប្រែងពន្លត់ភ្លើងទាំងយប់ទាំងថ្ងៃ ប៉ុន្តែដោយសារខ្យល់បក់ខ្លាំង ទើបបង្កការលំបាក។ ភ្លើងឆេះព្រៃនេះជាភ្លើងឆេះព្រៃធំជាងគេទី ៣ ក្នុងប្រទេសកូរ៉េខាងត្បូង។ អាជ្ញាធរបានបញ្ជាឱ្យប្រជាជននៅទីក្រុង និងទីប្រជុំជនមួយចំនួននៅភាគអាគ្នេយ៍ជម្លៀសខ្លួនចេញ។ ភ្លើងឆេះព្រៃធំជាងគេស្ថិតនៅ Andong, Uiseong, Sancheong និង Ulsan។