បំរាមក្នុងឱកាសបុណ្យចូលឆ្នាំថ្មីប្រពៃណីជាតិខាងមុខនេះ ដល់ប្រជាពលរដ្ឋរស់នៅក្នុងមូលដ្ឋានក្រុងប៉ោយប៉ែត មិនត្រូវលេងល្បែងស៉ីសងខុសច្បាប់គ្រប់ប្រភេទ ហាមច្រកទឹកក្នុងថង់ ច្រកទឹកក្នុងប៉េងប៉ោង និងច្រកទឹកកកគប់គ្នា...

 

ក្រុងប៉ោយប៉ែត : លោកវរសេនីយ៍ទោ ព្រហ្ម ពិសិដ្ឋ អធិការ នៃអធិការដ្ឋាននគរបាលក្រុងប៉ោយប៉ែតបានចាត់កម្លាំងតាមបណ្តាប៉ុស្តិ៍នគរបាលទាំង៥សង្កាត់ នៃក្រុងប៉ោយប៉ែត ចុះផ្សព្វផ្សាយបំរាមនានា ក្នុងឱកាសបុណ្យចូលឆ្នាំថ្មីប្រពៃណីជាតិខាងមុខនេះ ដល់ប្រជាពលរដ្ឋរស់នៅក្នុងមូលដ្ឋានក្រុងប៉ោយប៉ែត។

ដើម្បីអនុវត្តតាមការណែនាំ និងបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការ នៃស្នងការដ្ឋាននគរបាលខេត្តបន្ទាយមានជ័យ នៅថ្ងៃទី០១ ខែមេសា ឆ្នាំ២០២៥ កម្លាំងនគរបាលតាមបណ្តាក្រុងស្រុក បានបន្តចុះផ្សព្វផ្សាយគោលនយោបាយភូមិឃុំសង្កាត់មានសុវត្ថិភាព ដល់ប្រជាពលរដ្ឋតាមមូលដ្ឋាន។

ស្នងការដ្ឋាននគរបាលខេត្តបន្ទាយមានជ័យ សូមអំពាវនាវដល់ប្រជាពលរដ្ឋទាំងអស់ ក្នុងឱកាសបុណ្យចូលឆ្នាំថ្មីប្រពៃណីជាតិខាងមុខនេះ ហាមលេងល្បែងស៉ីសងខុសច្បាប់គ្រប់ប្រភេទ ហាមច្រកទឹកក្នុងថង់ ច្រកទឹកក្នុងប៉េងប៉ោង  និងច្រកទឹកកកគប់គ្នា ដែលអាចធ្វើអោយមានគ្រោះថា្នក់ដល់អ្នកដទៃ។

សូមចូលរួមសហការ និងរាយការណ៍ មកកាន់យើងខ្ញុំ ក្នុងករណីមានអាសន្ន មានអំពើរអសន្តិសុខនានា មានករណីហិង្សាមានបទល្មើសជួញដូរថ្នាំញៀន និងក្មេងទំនើង អុកឡុកតាមមូលដ្ឋាន សូមខលមកកាន់លេខទូរសព្ទ័ប្រចាំបញ្ជា  ០៩៧ ៧៧ ៨០ ១៦៤ ដើម្បីកម្លាំងនគរបាលចុះអន្តរាគមន៍ បង្ការ បង្ក្រាប និង សង្គ្រោះទាន់ពេលវេលា៕